रुस निर्वाचन : संसदीय चुनावमा पुटिनको पार्टीको अग्रता

राष्ट्रपति भ्लादिमिर पुटिनको युनाइटेड रसिया पार्टीले रुसको संसदीय निर्वाचनमा बहुमत ल्याउने देखिएको छ।

धाँधलीको आरोपबिच भएको मतदानमा भोट हालेकाहरूसँग गरिएको एउटा एक्जिट पोलमा सत्ताधारी पार्टीको जित सुनिश्चित देखिएको हो।

३३ प्रतिसत मतगणना भएपछिको प्रारम्भिक नतिजामा युनाइटेड रसियाले ४५ प्रतिसतभन्दा बढी मत पाएको छ ।

आइतवार साँझ मतदान सकिएको केही घण्टामै युनाइटेड रसियाले आफ्नो जित घोषणा समेत गरेको छ।