गोरखाका एक पुरुष मृत भेटिए

गोरखा । गोरखाका एक पुरुष मनाङमा मृत अवस्थामा भेटिएका छन् ।

गण्डकी गाउँपालिका २ का ४३ बर्षका क्षेत्रबहादुर गुरुङ मृत अवस्थामा भेटिएको गण्डकी प्रदेश प्रहरी कार्यालयले जनाएको छ ।

मनाङको निस्याङ गाउँपालिका ४ मा सब्जेको स्याउ फर्ममा कार्यरत गुरुङ मस्याङदी नदी किनारमा मृत फेला परेका हुन् ।

भदौं २६ गते देखि हराइरहेका उनी मंगलवार बिहान १२ बजे मृत अवस्थामा फेला परेको प्रहरीले जनाएको छ ।

गुरुङको शव घोप्टो परेको अबस्थामा फेला परेको थियो ।