तोलामा ४०० रुपैयाँले घट्यो सुनको मूल्य

काठमाडौं । आइतबार नेपाली बजारमा सुनको मूल्य ४०० रुपैयाँले सस्तिएको छ ।

नेपाल सुनचाँदी व्यवसायी महासंघका अनुसार गत शुक्रबारको तुलनामा सुन तोलामा ४०० रुपैयाँले घटेर प्रतितोला ९० हजार ३०० रुपैयाँमा कारोबार भइरहेको छ ।

यस्तै यता तेजाबी सुनको मूल्य समेत तोलामा ४०० रुपैयाँले नै सस्तिँदै आइतबार ८९ हजार ८०० रुपैयाँमा कारोबार भइरहेको महासंघले जनाएको छ ।

यता चाँदीको मूल्य पनि तोलामा २० रुपैयाँले सस्तिएको छ । महासंघका अनुसार आज चाँदी एक हजार १ सय ९५ रुपैयाँमा कारोबार भइरहेको छ ।