तिन दिनसम्म घरघरमा दीपावली गरेर संविधान दिवस मनाइने

सरकारले तीन दिनसम्म घरघरमा दीपावली गरेर सातौँ संविधान दिवस मनाउने निर्णय गरेको छ। सरकारले नेपालको संविधान जारी भएको असोज ३ गतेलाई राष्ट्रिय दिवसको रुपमा मनाउँदै आएको छ।

संविधान दिवस २०७८ का अवसरमा आगामी असोज २ गतेदेखि ४ गतेसम्म राष्ट्रिय दिवसका रुपमा दीपावलीसहितका कार्यक्रम गरेर संविधान दिवस मनाउने निर्णय सरकारले गरेको हो। 

संविधान दिवसका अवसरमा नेपाल र विदेशस्थित नेपाली राजदूतावास र नियोगहरुमा दीपावलीलगायत कार्यक्रम गर्ने सरकारको तयारी छ। संविधान दिवसलाई राष्ट्रिय दिवस मनाउन प्रधानमन्त्रीको अध्यक्षतामा मूल समारोह समिति गठन गरिएको छ।