मनकामना केबलकार आइतबारबाट पुनः सञ्चालनमा आउने

गोरखा । लामो समयदेखी बन्द रहेको मनकामना मन्दिरको केवलकार आगामी आइतबारबाट पुनः सञ्चालनमा आउने भएको छ।

स्वास्थ्य सुरक्षाका सबै मापदण्ड पालना गरेर केवलकार सञ्चालन ल्याउन लागिएको मनकामना केवलकार सञ्चालक चितवन कोइका प्रवन्ध निर्देशक राजेशबाबु श्रेष्ठले जानकारी दिए।

कोभिड १९ को कारणले बन्द भएको केबलकार तथा रेष्टुरेन्ट लगायतका सेवा यही आउँदो आइतबार भदौ २० गतेबाट स्वास्थ सुरक्षा मापदण्डका साथ पुन: सन्चालन हुने भएको छ ।

मन्दिर खोल्ने सम्बन्धमा जिल्ला प्रशासन कार्यालय, गोरखाको निर्णय अनुसारनै हुने श्रेष्ठले बताए ।

कोरोना महामारीलाई ध्यानमा राख्दै कम्पनीले यसअघि देखिनै नगदरहित कारोबार इ सेवा, फोन पे र खल्तीमार्फत टिकट काट्ने व्यवस्था गरेको छ।