कोरोना खोप लगाउनेको संख्या १ करोड नाघ्यो

काठमाडौं । नेपालमा कोरोनाविरुद्धको खोप लगाउनेको संख्या १ करोड नाघेको छ ।

नेपालमा १ करोड ९२ हजार १६४ जनाले कोरोना विरुद्धको खोप लगाइसकेको स्वास्थ्य सेवा विभाग अन्तर्गतको परिवार कल्याण महाशाखाले जनाएको छ ।

जसमध्ये ५४ लाख २४ हजार ८३६ जना अर्थात १८ प्रतिशतले पहिलो मात्रा खोप लगाइसकेका छन् भने ४६ लाख ६७ हजार ३२८ जना अर्थात १५ प्रतिशतले पूर्ण खोप लगाएका छन् ।

नेपालमा कोभिशिल्ड, भेरोसेल, जोनसोन एण्ड जोनसोन र एष्ट्राजेनेका खोप दिने क्रम जारी रहेको छ ।

नेपालमा गत माघ १४ गतेदेखि खोप अभियान सुरु भएको थियो ।