एकै परिवारका ३ जनाको शव फेला

झापामा एकै परिवारका तीन जनाको शव फेला परेको छ।

कनकाई नगरपालिका वडा नम्बर १ सिर्जना टोलमा सोमबार बिहान तीन जनाको शव फेला परेको प्रहरीले जनाएको छ।

मृत्यु हुनेमा ३४ वर्षका रविन विक, उनकी श्रीमती २९ वर्षकी मुना र आठ महिनाकी छोरी रूविना छन् । उनीहरु आज बिहान आफ्नै घरभित्र झुण्डिएको अवस्थामा मृत फेला परेको प्रहरी नायब उपरीक्षक सन्तोष आचार्यले बताए।

उनीहरूले आत्महत्या गरेको आशंका छ। यसबारे प्रहरीले विस्तृत अनुसन्धान सुरू गरिसकेको जनाएको छ।