‘कमेडी च्याम्पियन २’ को उत्कृष्ठ ६ मा पुगे गोरखाका सन्तोष, भोट गरिदिन अपिल

गोरखा । ‘कमेडी च्याम्पियन सिजन २’ को टप ६ मा गोरखाका सन्तोष थापा पुगेका छन् ।

पालुङ्टार नगरपालिका वडा न ६ घर भएका थापा नेपालकै पहिलो कमेडी रियालिटी शो ‘कमेडी च्याम्पियन’को दोश्रो सिजनकाे उत्कृष्ठ ६ मा पुगेका हुन । कान्तिपुर टीभीबाट हरेक शुक्रबार र शनिबार प्रशारण हुँदै आएको यो शो हाल टप ६ सम्म पुगेको छ ।

यो शोको उत्कृष्ट ६ मा पुगेका प्रतिस्पर्धीविच कडा प्रतिस्पर्धा पनि चलिरहेको छ । प्रतिस्पर्धीहरुको भिडमा गोरखाका सन्तोष थापाकाे प्रस्तुती चर्चामा छ । उनी कार्यक्रमको अडिसन राउन्डबाट नै चर्चामा थिए ।

उत्कृष्ठ र तार्किक ब्य‌ंग्यका कारण दर्शकसामु चर्चित रहेका थापाले आगामी यात्राका लागि भाेट गरिदिन आह्वान गरेका छन् ।

उनले भनेका छन ,`सम्पूर्णमा नमस्कार म सन्तोष थापा गोरखाबाट तपाईँहरूकै माया,साथ र सहयोगले गर्दा म कमेडी च्याम्पियन सिजन 2 को उत्कृष्ट 6 मा पुग्न सफल भएको छु। अब को यात्रा भोटलेनै तय गर्छ तशर्थ मोबाइलमा prabhu pay app डाउनलोड गरि मलाई धेरै भन्दा धेरै भोट गरी अझै अगाडि बढाईदिनुहुन अनुरोध गर्दछु ।’