काबुलबाट उद्धार गरेका १२७ नेपाली काठमाडौं आइपुगे

काठमाडौं । अफगानिस्तानको काबुलबाट उद्धार गरेका १ सय २७ जना नेपाली काठमाडौं आइपुगेका छन् ।

उनीहरु जजिरा एयरको विमानमार्फत् आज बिहान १०ः१५ बजे काठमाडौंको त्रिभुवन अन्तर्राष्ट्रिय विमानस्थलमा अवतरण गरेका हुन् ।

अफगानिस्तानको काबुलबाट अमेरिकी एयरफोर्सले दूतावासमा सुरक्षागार्डका रूपमा रहेका ३८५ नेपालीलाई उद्धार गरी कतारको दोहा पुर्‍याएको थियो । तीमध्ये १ सय २७ जना मंगलबार बिहान काठमाडौं आइपुगेको हो ।

उनीहरूलाई नेपाली सेनाले सामाखुसीस्थित आइसोलेसन सेन्टरमा लैजाने तयारी गरिरहेको छ।