आज पनि सुनको मूल्य तोलामा एक हजारले घट्यो

काठमाडौं । नेपाली बजारमा आज पनि सुनकोे मूल्य तोलामा एक हजारले घटेको छ ।

आइतबार एकैदिन प्रतितोला १ हजार ५०० रुपैयाँले घटेर ९० हजार रुपैयाँमा झरेको सुनको मूल्य सोमबार थप एक हजार रुपैयाँले सस्तिएको हो ।

नेपाल सुनचाँदी व्यवसायी महासंघका अनुसार आज छापावाला सुन प्रतितोला ८९ हजार रुपैयाँमा झरेको हो ।

यस्तै, चाँदीको मूल्य समेत आइतबारको तुलनामा थप २५ रुपैयाँले घट्दै आज प्रतितोला एक हजार २ सय १५ रुपैयाँ कायम भएको छ ।