उपत्यकामा लम्बियाे निषेधाज्ञा, माेडालिटी भने परिवर्तन

काठमाडौं । उपत्यकामा जारी निषेधाज्ञा लम्ब्याइएकाे छ।

बुधबार उपत्यकाका तीन जिल्लाका प्रमुख जिल्ला अधिकारीको बैठकले जेठ ३१ गतेसम्म निषेधाज्ञा लम्ब्याउने निर्णय गरेको हो।

तर निषेधाज्ञाकाे माेडालिटीमा भने केहि परिवर्तन भने गरिएकाे छ । जसमा खाद्य पसल बिहान ९ बजेसम्म खोल्न दिने निर्णय भएकाे छ ।

पछिल्लो एक सातादेखि खाद्यान्न पसल पनि सञ्चालनमा रोक लगाइएको थियो।

यस्तै निर्माणका काम पनि सञ्चालन हुने भएका छन्।

रातको समयमा निर्माण सामग्री ढुवानी गर्न र मजदुरलाई निर्माणस्थलमै खान बस्नको व्यवस्था गर्न भनिएको छ।

अत्यावश्यकबाहेकका कार्यालय खोल्न नपाइने व्यवस्था कायमै छ। बैंक तथा वित्तीय संस्था पनि अहिलेकै अवस्थामा सञ्चालन हुने भक्रतपुरका प्रजिअ प्रेमप्रसाद भट्टराईले बताए।