चौधरी ग्रुपको बियर फ्याक्ट्रीमा भीषण आगलागी

नवलपरासी पूर्वस्थित चौधरी ग्रुपको बियर फ्याक्ट्रीमा भीषण आगलागी भएको छ।

देवचुली नगरपालिका—२ स्थित रजरमा रहेको फ्याक्ट्रीको बियर गोदाममा बुधबार बिहान भीषण आगो लागेको हो।

• 

• 

जिल्ला प्रहरी प्रवक्ता प्रहरी नायब उपरीक्षक (डिएसपी) दिलीपकुमार गिरीका अनुसार तीन वटा दमकलले आगो नियन्त्रण प्रयास गरिरहेका छन्।

आगो निभाउनका लागि सशस्त्र प्रहरी, जनपद प्रहरी, नेपाली सेना र दमकल खटिएका छन् । तर, आगो नियन्त्रण नआएकाले अन्य जिल्लाबाट पनि दमकल बोलाउने तयारी भईरहेको डिएसपी गिरीले जानकारी दिए ।

आगो नियन्त्रणमा आउन नसकेपछि भवनहरू डोजर लगाएर भत्काउन थालिएको छ।