भौतिक दूरी कायम गरी लुम्बिनीमा प्रार्थना

हरेक वर्ष बुद्धजयन्तीका दिन बिहानैदेखि सयौं आगन्तुकहरुको चहलपहल हुने लुम्बिनीमा यसवर्ष भौतिक दूरी कायम गरी प्रार्थना गरिएको छ ।

कोरोना महामारीका कारण स्थानीयवासी र बौद्ध भिक्षुभिक्षुणीहरुले भौतिक दुरी कायम गरेर प्रार्थना गरेर बुद्ध जयन्ती मनाएका छन् ।

यसैबीच लुम्बिनी प्रदेशका मुख्यमन्त्री शंकर पोखरेल लुम्बिनीस्थित मायादेवी मन्दिर पुगेर पूजा र मन्त्रोच्चारणमा सहभागी भएका छन् ।

दोस्रो चरणको कोरोनाको महामारीसँगै लुम्बिनी र मायादेवी मन्दिरसहित विकास कोष भित्रका बिहारहरु पनि बन्द छन् ।