अक्सिजन सिलिण्डर कालोबजारी गरेको आरोपमा तीन जना पक्राउ

काठमाडौं । अक्सिजन सिलिण्डर कालो बजारी गरेको आरोपमा तीन जना पक्राउ परेका छन्।

मंगलबार राति पाटन अस्पताल वरिपरबाट तीन जनालाई पक्राउ गरेको महानगरीय प्रहरी परिसर ललितपुरकी प्रहरी वरिष्ठ उपरीक्षक (एसएसपी) किरण बज्राचार्यले जानकारी दिइन्।

अक्सिजन सिलिण्डर कालोबजारी गरिरहेको भन्ने विशेष सूचना आएपछि प्रहरीले उनीहरूलाई पक्राउ गरेको हो।

उनीहरूले एउटा अक्सिजन सिलिण्डरको ४१ हजारसम्म लिने गरेको एसएसपी बज्राचार्यले बताइन्।

• 

• 

पक्राउ पर्नेहरूबाट अहिले एउटा अक्सिजन सिलिण्डर बरामद भएको छ।

उनका अनुसार पक्राउ पर्नेमा धादिङ गल्छी गाउँपालिकाका ४२ वर्षीय रामशरण घिमिरे, हेटौडा उपमहानगरपालिकाका ४२ वर्षीय नवराज खनाल र नुवाकोट विदुर नगरपालिकाका ३९ वर्षीय रामकृष्ण घिमिरे छन्। पक्राउ पर्नेहरूबाट अहिले एउटा अक्सिजन सिलिण्डर समते बरामद भएको छ।

उनीहरूमाथि थप अनुसन्धान गर्न जिल्ला प्रशासन कार्यालय ललितपुरमा म्याद थप गर्न लगिएको छ।