गोरखा नगरपालिकामा थप ३७ जनामा कोरोना संक्रमण

गोरखा । गोरखा नगरपालिकामा थप ३७ जनामा कोरोना संक्रमण पुष्टि भएको छ । मंगलबार गोरखा नगरपालिका वडा नम्बर ४, १०, ११ र १२ का गरी ३७ जनामा संक्रमण पुष्टि भएको हो ।

गत बैशाख २८ गते सो वडाका एक युवाको संक्रमणकै कारण मृत्यु भएपछि २९ गते गरिएको कन्ट्याक्ट ट्रेसिङका क्रममा लिइएको ८९ जनाको पिसिआरको नमुनामध्ये ३७ जनामा संक्रमण पुष्टि भएको गोरखा नगरपालिकाका स्वास्थ्य शाखाका स्वास्थ्य निरिक्षक निश्चल अर्यालले सिभिलखबरलाई बताए ।

जसमा ४ का एक जना, १० का ३ जना, ११ का १३ जना र वडा नम्बर १२ का २० जना रहेकाे बताइएकाे छ ।