अधिकारकर्मीको दुखेसो ः अपाङ्गता भएकाहरुको अधिकार नारामा मात्रै सिमित भयो

गोरखा । राज्यले अपाङ्गता भएका व्यक्तिहरुका लागि दिएको अधिकार नारामा मात्र सिमित रहेको एक कार्यक्रमका सहभागीहरुले बताएका छन् ।

ह्यान्डिक्याप ईन्टरनेशल फेडेरेशनको सहयोगमा एकिकरण नेपाल गोरखाले सञ्चालन गरेको ‘स्वास्थ्य र सामाजिक सुरक्षा अपाङ्गता भएका महिला तथा बालबालिकाहरुको पहुँचमा सहजीकरण परियोजना’ ले गरेको छलफल कार्यक्रममा बोल्दै सरोकारवालाहरुले कानूनले निर्दिष्ट गरेको व्यवस्था व्यवहारमा लागु हुन नसकेको बताएका हुन् ।

‘गोरखाका अधिकाशं कार्यालयहरु अपाङ्गतामैत्री छैनन्, अपाङ्गता भएकाहरुका लागि शौचालयहरु बन्न सकेका छैनन’ नेत्रहिन संघ गोरखाका अध्यक्ष पवन बस्नेतले भने ‘यातायातमा सहुलियत छ । न अन्य सुेवा सुबिधामा अपाङ्गता भएकाहरुको प्रतिनिधित्व नै हुन्छ ।’

अधिकाशं सरकारी कार्यालयका प्रमखको कार्यकक्ष माथिल्लो तल्लामा हुँदा अपाङ्गता भएका व्यक्तिहरुले सेवा सुबिधा लिन समस्या भएको उनले बताए । सो अबसरमा बोल्दै अपाङ्ग महिला संघकी जिल्ला अध्यक्ष रत्ना गुरुङले समाजमा हुने बलत्कारका घटनामा अपाङ्गता भएका महिला बढि पिडित हुने गरेको बताइन् ।

त्यस्तै कार्यक्रममा परियोजना मार्फत चालु आर्थिक वर्षमा गोरखा नगरपालिका भित्र सञ्चालन भएका कार्यक्रम बारे जानकारी गराइएको थियो । गोरखा नगरपालिका भित्रका अपाङ्गता भएका ५५ जना व्यक्तिले परिचय पत्र लिएका छैनन् ।

६३३ जनामा कुनै न कुनै खालको अपाङ्गता भएका मानिसहरु रहेको गोरखा नगरपालिकामा ५५ जनाले हालसम्म परिचयपत्र निर्माण नगरेको उक्त परियोजनाले संकलन गरेको तथ्याङ्कमा उल्लेख छ । गोरखा नगरपालिका भित्र बस्ने १० जना अपाङ्गता भएका महिलाहरुलाई जिबिकोपार्जनमा सहयोग गरिएको छ ।

त्यस्तै महेन्द्र ज्योति मावि दरबार मार्ग र पश्लाङ शहरी स्वास्थ्य केन्द्रलाई अपाङ्गतामैत्री बनाउन २ लाख ४५ हजार रुपैयाँ खर्च गरी ¥याम्प निर्माण गरिएको परियोजना अधिकृत रमा सिंखडाले जानकारी दिइन् ।

अपाङ्गता भएको व्यक्तिहरुको क्षमता बिकास तथा जनचेतनाको लागि विद्यालय व्यवस्थापन समिति शिक्षक र सरोकारवालाहरु विच अभिमुखीकरण कार्यक्रमहरु सञ्चालन गरिएको एकिकरण नेपालले जनाएको छ ।

अपाङ्गता सम्बन्धी तथ्याङ्क व्यवस्थापनका लागि गोरखा नगरपालिकालाई प्रिन्टर सहयोग, प्रारम्भिक बालबिकास सम्बन्धी तालिम, शैक्षिक सामाग्री बितरण जस्ता कार्यक्रमहरु पनि सञ्चालन गरिएको एकिकरण नेपालले जनाएको छ ।

जसअन्र्तगत चालु आर्थिक बर्षको हालसम्म १५ लाख २४ हजार ३ सय ४१ रुपैयाँ खर्च भएको सिंखडाले जानकारी दिइन् । कार्यक्रमको सहजीकरण गर्दै एकिकरण नेपालका कार्यकारी निर्देशक हरि देवकोटाले आमसञ्चार माध्यम, राज्य र सामाजिक संघ सस्था सबै मिलेर अपाङ्गता भएका व्यक्तिहरुलाई आत्मसम्मानका साथ बाँच्न सक्ने वातावरण सिर्जना गर्नुपर्नेमा जोड दिए ।

सो अवसरमा पत्रकार महासंघका जिल्ला उपाध्यक्ष दिपक श्रेष्ठले अपाङ्गता भएका व्यक्तिहरुको अधिकार प्राप्तीका लागि जिल्लाका सम्र्पूण सञ्चारकर्मी एवं पत्रकारहरुले रचनात्मक सहयोग गर्ने प्रतिवद्धता व्यक्त गरेका थिए