धारिलो हतियार प्रहार गरी एकको हत्या

धारिलो हतियार प्रहार गरी एक जनाको हत्या भएको छ ।

विराटनगर महानगरपालिका वडा नम्बर ८ बलुवाईका ५२ वर्षीय विको सहनीको गए राति हत्या भएको हो।

घटनामा उनकै छोराको संलग्नता रहेको हुन सक्ने अनुमान प्रहरीको छ। उनका छोरा फरार छन्।

जिल्ला प्रहरी कार्यालय मोरङका प्रहरी नायब उपरीक्षक मानबहादुर राईका अनुसार सहनीमाथि धारिलो हतियार प्रहार भएको छ।

गम्भीर घाइते सहनीलाई उपचारका लागि कोसी अस्पताल पुर्‍याइएको थियो। चिकित्सकहरूले उनको मृत्यु भइसकेको बताएका थिए।

उनको घाँटीमा गहिरो चोट छ।