४० हजार घुससहित प्रहरी जवान पक्राउ

काठमाडौं । एक प्रहरी जवान घुससहित पक्राउ परेको छ । ४० हजार रुपैयाँ घुससहित सुनसरीस्थित इलाका प्रहरी कार्यालय सीतागञ्जमा कार्यरत् प्रहरी जवान पक्राउ परेका हुन्।

उजुरी मिलाइदिने बहानामा घुस मागेको भन्दै अख्तियार दुरुपयोग अनुसन्धान आयोगको टोलीले जवान कासिन्दर यादवलाई बिहीबार पक्राउ गरेको हो।

अख्तियार कार्यालय इटहरीबाट खटिएको टोलीले यादवलाई विराटनगर महानगरपालिका—४ नोबेल मेडिकल कलेजको गेट नजिकबाट उक्त रकमसहित पक्राउ गरेको आयोगले जनाएको छ।