लहानमा बम बिस्फोट : ६ जना घाइते, एकको अवस्था गम्भीर

सिरहाको लहानमा बम बिस्फोट हुँदा ६ जना घाइते भएका छन्।

लहानको मालपोत कार्यालयमा आइतबार दिउँसो करिब १ बजेतिर बम बिस्फोट भएको जिल्ला प्रहरी कार्यालय सिरहाका प्रहरी उपरीक्षक सुदीप राजभण्डारीले जानकारी दिएका छन्।

घाइते भएकामध्ये १ जनाको अवस्था गम्भीर छ भने पाँच जना सामान्य छन्।

घटनाबारे विस्तृत जानकारी लिन एसपी नेतृत्वको टोली घटनास्थल पुग्दैछ।

बम कसले किन बिस्फोट गराएको हो भन्ने खुलिसकेको छैन।