गोरखाका दुई युवा पेस्तोलसहित पक्राउ

गोरखा । गोरखाका दुई जना युवालाई नवलपुरको कावासोतीबाट पेस्तोलसहित प्रहरीले पक्राउ गरेको छ ।

पूर्वी पश्चिम राजमार्ग अन्तर्गत कावासोती १६ चालिसकिलोमा सवारी जाँच गर्ने क्रममा ना ५ ख ६५६३ नम्बरको बसमा सवार गोरखाका दुई जना युवालाई हिजो पक्राउ गरेको हो ।

पक्राउ पर्नेमा चुमनुम्ब्री गाउँपालिका १८ वर्षीय दयाराम कार्की र गोविन्द गुरुङ रहेको जिल्ला प्रहरी कार्यालय पूर्वी नवलपरासीका डीएसपी दिलिपकुमार गिरीले बताए ।

• 

• 

युवाहरुले पेस्तोल कहाँबाट ल्याएको र के प्रयोजनका लागि ल्याएका थिए भन्नेबारे अनुसन्धान भइरहेको प्रहरीले जनाएको छ ।