काठमाडौं । मेयर्स कप क्रिकेट प्रतियोगिताको उद्घाटन खेलमै विभागीय टोलीले प्रतिस्पर्धा गर्ने भएका छन्। नेपाल क्रिकेट संघ (क्यान)ले मंगलबार सार्वजनिक गरेको खेल तालिकाअनुसार प्रतियोगिताको पहिलो दिन दुई खेल हुनेछ।
पहिलो दिन कीर्तिपुरस्थित त्रिवि क्रिकेट मैदानमा हुने विभागीय डर्बी खेलमा त्रिभुवन आर्मी क्लव र नेपाल एपीएफ क्लब खेल्नेछन्।
सोही दिन मूलपानी क्रिकेट मैदानमा नेपाल पुलिस क्लब र वाग्मती प्रदेश खेल्नेछन्।
दोस्रो दिन त्रिवि क्रिकेट मैदानमा नेपाल एपीएफ क्लब र नेपाल पुलिस क्लब तथा मूलपानी मैदानमा काठमाडौं मेयर्स ११ र वाग्मती प्रदेश खेल्नेछन्।
प्रतियोगिताको तेस्रो र पाँचौँ दिन एक खेल मात्रै हुनेछ। प्रतियोगितामा सहभागी ५ टोलीमध्ये दुई टोलीले फाइनलमा स्थान बनाउनेछन्।
आगामी फागुन २२ देखि २९ गतेसम्म हुने प्रतियोगितामा प्रधानमन्त्री कप राष्ट्रिय क्रिकेट प्रतियोगिताको सेमिफाइनलिष्ट टोली र काठमाडौ मेयर्स ११ का टोली सहभागी हुनेछन्।
प्रतियोगितामा त्रिभुवन आर्मी क्लव, नेपाल एपीएफ क्लव, नेपाल पुलिस क्लव, वाग्मती प्रदेश र काठमाडौ मेयर्स ११ सहभागी हुनेछन्। फाइनल खेल त्रिवि क्रिकेट मैदानमा हुनेछ।
नागरिक समाज सञ्चार नेटवर्क प्रा.लि.
अध्यक्ष – काैसिना मियाँ
सूचना विभाग दर्ता : १६९०–२०७६/०७७
प्रेस काउिन्सल नेपाल : १९५२–२०७६/०७७
मुख्य कार्यालय : बालाजु-१६, काठमाडाैं, नेपाल
फोन : ०१-४९७३२२२
माेबाइल : ९८५६०४०७६१
इमेलः [email protected] (समाचार)
[email protected] (विज्ञापन)
कार्यकारी सम्पादक : मोहसिन अलि मियाँ
सम्पादक : राजेन्द्र कोइराला
बजार ब्यवस्थापक : सुदीप श्रेष्ठ
© 2026 All right reserved to civilkhabar.com | Site By : SobizTrend
