ट्रक पल्टिँदा १६ मजदुरको मृत्यु

एजेन्सी । ट्रक पल्टिँदा भारतको महाराष्ट्रमा १६ जना मजदुरको मृत्यु भएको छ। जालगाउँ जिल्लामा भएको दुर्घटनामा परी मृत्यु हुनेमा अभोदा, केरहाला र राभेरका मजदुर रहेको बताइएको छ।

मजदुरहरू मेवा बोकेको ट्रकमा चढेका थिए। किनगाउँको मन्दिरनजिकै आइतबार मध्यरातमा ट्रक पल्टिएको हो।

दुर्घटनामा पाँच मजदुरहरू बाँचेका छन्। उनीहरूको स्थानीय अस्पतालमा उपचार भइरहेको भारतीय प्रहरीले जनाएको छ।