अनशनरत गंगामायाको जीवन रक्षाको माग गर्दै प्रदर्शन

गोरख। आफ्ना छोराका हत्यारालाई कार्वाहीको माग राखेर लामो समयदेखि संघर्षतरत गोरखा फुजेलकी गंगामाया अधिकारीको जीवन रक्षा र न्यायका लागि सरकारलाई दबाब दिन बालुवाटारमा प्रदर्शन गरिएको छ ।

मंगलबार बिहान १० बजे नक्सालको नारायणचौरबाट शुरू भएको र्‍याली प्रधानमन्त्री निवास बालुवाटारसम्म पुगेको थियो । प्रदर्शनको नेतृत्व नेपाल मानवअधिकार संगठनले गरेको छ ।

द्वन्द्वको समयमा छोरा कृष्णप्रसाद अधिकारीको हत्यामा संलग्न दोषीलाई कारबाहीको माग गर्दै गंगामाया लामो समयदेखि वीर अस्पतालमै अनशन बसिरहेकी छन् । गंगामाया आमशरण अनशन बसेको पनि २२ दिन भइसकेको छ ।