स्रोत नखुलेको ४९ लाख रकमसहित दुई भारतीय पक्राउ

स्रोत नखुलेको नेपाली ४९ लाख रकमसहित दुई भारतीय पक्राउ परेका छन् । बाराको फेटा गाउँपालिका —५ जोतपुरबाट स्रोत नखुलेको ४९ लाखसहित दुई भारतीय नागरिक पक्राउ परेका छन् ।

उक्त्त रकमसहित भारत घर भएका २६ वर्षीय अरबिन्द महतो सहित २ जनालाई शनिबार दिउँसो प्रहरीले पक्राउ गरेको हो।

अस्थाई प्रहरी पोष्ट जोतपुरबाट खटिएको प्रहरीले भारतबाट नेपालतर्फ आउँदै गरेको बिआर ५ वाई ६४१७ नम्बरको मोटरसाइकल जाँच गर्दा उक्त रकम फेला पारी चालक महतोलाई मोटरसाइकल सहित पक्राउ गरेको हो ।

प्रहरीले थप अनुसन्धान गरिरहेको छ ।