सुनको मूल्य घट्यो, तोलामा कति ?

काठमाडौं । नेपाली बजारमा बुधबार सुनको मूल्य घटेको छ ।

मंगलबार तोलामा ९२ हजार ८०० रुपैयाँमा कारोबार भएको छापावाल सुन बुधबार तोलामा ९२ हजार १०० रुपैयाँमा कारोबार भएको नेपाल सुनचाँदी व्यवसायी महासंघले जनाएको छ ।

यस्तै तेजावी सुन तोलामा ९१ हजार ६०० रुपैयाँमा कारोबार भएको हो ।

यस्तै बुधबार चाँदीको मूल्यमा पनि सामान्य गिरावट आएको छ । मंगलबार तोलामा १ हजार २ सय ५५ रुपैयाँमा कारोबार भएको चाँदी बुधबार सामान्य घटेर १ हजार २ सय ५० रुपैयाँमा कारोबार भएको हो ।