सुनको मूल्य बढ्यो

काठमाडौं । कारोबारको अन्तिम दिन शुक्रबार नेपाली बजारमा सुनको मूल्य बढेको छ ।

नेपाल सुनचाँदी व्यवसायी महासंघका अनुसार बिहीबार ९२ हजार १ सय रुपैयाँमा कारोबार भएको छापावाल सुन चार सयको दरले बढेर प्रतितोला ९२ हजार पाँच सय रुपैयाँमा कारोबार भएको छ। त्यस्तै तेजाबी सुनको मूल्य आज प्रतितोला ९२ हजार रुपैयाँ पुगेको छ।

त्यस्तै चाँदीको मूल्य पनि आज १५ रुपैयाँले बढेको छ। अघिल्लो दिन १२ सय ४५ रुपैयाँ प्रतितोलामा कारोबार भएको चाँदीको मूल्य आज १२ सय ६० रुपैयाँमा कारोबार भएको हो।