सुनको मूल्य घट्यो, तोलामा कति ?

काठमाडौं । नेपाली बजारमा बिहीबार सुनको मूल्यमा सामान्य गिरावट आएको छ ।

नेपाल सुनचाँदी व्यवसायी महासंघका अनुसार बुधबार तोलामा ९२ हजार ९०० रुपैयाँमा कारोबार भएको सुनको मूल्य बिहीबार घटेर तोलामा ९२ हजार १०० रुपैयाँमा कारोबार भएको हो ।

यस्तै तेजावी सुन तोलामा ९१ हजार ६०० रुपैयाँमा कारोबार भएको छ ।

महासंघले बिहीबार चाँदीको मूल्य पनि घटेको जनाएको छ ।

बुधबार तोलामा १ हजार २ सय ६० रुपैयाँमा कारोबार भएको चाँदी बिहीबार घटेर तोलामा १ हजार २ सय ४५ रुपैयाँमा कारोबार भएको महासंघले जनाएको छ ।