रुखले च्यापेर गोरखामा एक व्यक्तिको मृत्यु

आफैले काटेको रुखले च्यापेर गोरखामा एक व्यक्तिको मृत्यु भएको छ । भीमसेन थापा गाउँपालिका वडा नम्बर ३ तान्द्राङमा रुख काट्ने क्रममा १८ वर्षीय उमेश राईको ज्यान गएको जिल्ला प्रहरी कार्यालय गोरखाले जनाएको छ ।

स्थानीय नरबहादुर सार्कीको बारीमा रहेको सालको रुख काट्ने क्रममा पाँचथर घर भएका राई च्यापिएका थिए । रुखले च्यापिएपछि उनको घटना स्थलमै मृत्यु भएको स्थानीयहरुले बताएका छन् । बिगत एक साता देखि उनी सो क्षेत्रमा रुख काट्ने काममा गर्दै आएको उनीहरुको भनाई छ ।