नाजिर र सम्पदाले ल्याए ‘आँखैमा गाजल’ (भिडियोसहित)

काठमाडौं । गायक केदार बरुवाल क्षेत्रीको स्वर रहेको गीत ‘आँखैमा गाजल’ सार्वजनिक भएको छ । गीतमा बरुवाललाई गायिका मेलिना राईले स्वरमा साथ दिएकी छन् । शब्द तथा संगीत पनि बरुवालकै रहेको गीतमा उदयराज पौडेलले संगीत संयोजन गरेका छन् ।

नाजिर हुसेन र सम्पदा बानियाँ बीचको प्रेमलाई समेटेर गीतको भिडियो समेत निर्माण भएको छ । शान थापाको निर्देशन रहेको भिडियोमा राजिव समरको कोरियोग्राफी, अर्जुन तिवारीको छायाँकन र सुप्रिम पराजुलीको सम्पादन छ ।