आज सुनको मुल्य कति छ ?

काठमाडौं । बुधबार नेपाली बजारमा सुनको मुल्य घटेको छ । आज सुन प्रतितोला सात सय रुपैयाको दरले घटेको छ ।

नेपाल सुनचाँदी व्यवसायी महासंघका अनुसार मंगलबार ९४ हजार १ सय रुपैयाँमा कारोबार भएको छापावाल सुन घटेर बुधबार प्रतितोला ९३ हजार ४ सय रुपैयाँमा कारोबार भएको छ।

त्यस्तै तेजाबी सुन पनि सोही अन्तरमा घटेर आज प्रतितोला ९२ हजार ९ सय ५० रुपैयाँमा कारोबार भएको छ। यो सुन अघिल्लो दिन ९३ हजार ६ सय ५० रुपैयाँमा कारोबार भएको थियो।

चाँदीको मुल्य भने स्थिर रहेको छ। अघिल्लो दिन १२ सय १५ रुपैयाँ प्रतितोला कारोबार भएको चाँदीको मूल्य आज घटबढ नभएको महासंघले जनाएको छ।