गोरखामा सोमवार २३ जना कोरोना संक्रमित थपिए

गोरखामा सोमवार थप २३ जना कोरोना पुष्टि भएको छ ।

पालुंटार नगरपालिका, भिमसेन थापा गाउँपालिका, गण्डकी गाउँपालिका, अजिरकोट गाउँपालिका, शहिद लखन गाउँपालिका र आरुघाट गाउँपालिकामा गरी २३ जनामा संक्रमण पुष्टि भएको स्वास्थ्य कार्यालय गोरखाले जानकारी दिएको छ ।

जसमा सबैभन्दा धेरै पालुङटार नगरपालिका वडा नम्बर ४ मा चार जना, वडा नम्बर १० मा चार जना र ५ मा एक जना गरी नौ जना थपिएका हुन ।

त्यस्तै भिमसेन थापा गाउँपालिका वडा नम्बर ४ मा चार जना, गण्डकी गाउँपालिका वडा नम्बर १ को दुई जना र अजिरकोट गाउँपालिका वडा नम्बर ४ को एकजनालाई संक्रमण पुष्टि भएको कार्यालयको भनाई छ ।

आरुघाट गाउँपालिका वडा नम्बर ९ मा पनि तीन जनालाई संक्रमण देखिएको छ । गोरखा नगरपालिका ४ मा एक जना पूरुषमा पनि कोरोना संक्रमण देखिएको छ ।

शहिदलखन गाउँपालिकाको मनकामना चौकीमा कार्यरत तीन जना प्रहरीलाई पनि कोरोना पुष्टि भएको छ ।

यससँगै गोरखामा कोरोना संक्रमितको संख्या छ सय ४२ पुगेको छ ।