दशैं तिहारमा भेला हुने कार्य गरे गोरखा प्रशासनले कारवाही गर्ने

गोरखा । कोरोना संक्रमण तिब्र भएको भन्दै स्वास्थ्य र सावधानीका मापदण्डलाई कडाईका साथ पालना गर्न प्रशासनले आग्रह गरेको छ ।

सहायक प्रमुख जिल्ला अधिकारी देवी पाण्डेले बुधबार एक सूचना जारी गर्दै चाडबाडको समयमा ठुलो संख्यामा मानिसहरुको आवतजावत हुने भएकोले सजग रहन अनुरोध गरेकी छिन् ।

‘कुनै संक्रमितमा लक्षण देखिएमा अस्पतालमा सम्र्पक राखी स्वास्थ्यकर्मीको सल्लाह अनुसार गर्नुहुन र स्वाब संकलन गरी परिक्षणको रिर्पोट नआएका तथा लक्षण नभएका संक्रमितहरु जथाभावी हिडडुल नगरी स्वास्थ्य मापदण्डको पालना गरी आफ्नै घरमा वा आफ्नो पालिकाले तय गरेको स्थानमा बस्नु होला,’ सूचनामा भनिएको छ ।

‘नजिकिदै गरेको दशैं, तिहार, छठ लगायतका चाडपर्वहरुमा हुने नित्य पुजापाठ गनुपर्ने बाहेकका मानिसहरु भेला हुने गरी कुनै पनि उत्सव, कार्यक्रम, भजन, शुभकामना आदान­­­प्रदान, खेलकुद प्रतियोगिता जस्ता कुनै पनि कार्यक्रम तथा क्रियाकलाप नगर्नु नगराउनु होला,’ उक्त सूचनामा भनिएको छ । यदी सूचनालाई अटेर गरी त्यस्ता कार्य गरेको पाईएमा संक्रमण रोग ऐन, २०२० अनुसार कारवाही गर्ने चेतावनी दिएको छ ।