सुनको मूल्य घट्यो, प्रतितोला कति ?

नेपाली बजारमा बुधबार सुनको मूल्य घटेको छ ।

नेपाल सुनचाँदी व्यवसायी महासंघका अनुसार मंगलबार तोलामा ९५ हजार १०० रुपैयाँमा कारोबार भएको छापावाल सुन बुधबार घटेर तोलामा ९४ हजार ५०० रुपैयाँमा कारोबार भएको छ ।

यस्तै तेजावी सुन तोलामा ९३ हजार रुपैयाँमा कारोबार हुँदा चाँदीको मूल्य पनि घटेको छ ।

मंगलबार तोलामा १ हजार २ सय २५ रुपैयाँमा कारोबार भएको चाँदी बुधबार घटेर १ हजार २ सय ५ रुपैयाँमा कारोबार भएको महासंघले जनाएको छ।