पछिल्लो २४ घण्टामा उपत्यकामा मात्रै २५ सय ४० जनामा संक्रमण पुष्टि

काठमाडौँ उपत्यकामा पछिल्लो २४ घण्टामा थप २ हजार ५ सय ४० जनामा कोरोना भाइरसको संक्रमण पुष्टि भएको छ।

बिहीबार स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्राडा जागेश्वर गौतमले उपत्यकाका तीन जिल्लामा थप
२ हजार ५ सय ४० जनामा कोरोना भाइरसको संक्रमण पुष्टि भएको बताए।

प्रवक्ता गौतमका अनुसार उपत्यकाका काठमाडौँमा २ हजार ८५ , भक्तपुरमा १ सय ३५ र ललितपुरमा ३ सय २० जनामा कोरोना संक्रमण देखिएको हो।

बुधबार उपत्यकामा १ हजार ६ सय ८४ जनामा कोरोना संक्रमण देखिएको थियो।