कोरोनाबाट गण्डकीमा थप एकको मृत्यु

कोरोना संक्रमणबाट पोखरामा थप एक जनाको मृत्यु भएको छ ।

गण्डकी स्वास्थ्य विज्ञान प्रतिष्ठान (गण्डकी अस्पताल)को आइसोलेसनमा उपचाररत पोखरा–१६ मा बस्ने ८३ वर्षीय वृद्धको बिहीबार बिहान मृत्यु भएको हो।

अस्पतालले उनी अन्य रोगबाट पनि पीडित भएको जनाएको छ।

उनलाई असोज ३ गते कोरानो संक्रमण पुष्टि भएसँगै अस्पतालको आइसोलेसनमा लगिएको थियो।

योसँगै गण्डकीमा कोरोनाबाट मृत्यु हुनेको संख्या ३७ पुगेको छ ।