कोरोनाबाट थप एक पुरुषको मृत्यु

कोरोना संक्रमणबाट भरतपुर अस्पतालमा उपचाररत् एक पुरुषको मृत्यु भएको छ ।

चितवनको कालिका नगरपालिका–७ जुटपानी बस्ने ६२ वर्षीय पुरुषको आइतबार विहान उपचारका क्रममा मृत्यु भएको अस्पतालका सूचना अधिकारी लिलाधर पौडेलले जानकारी दिए।

असोज १६ गते साँझ ६ बजे उनलाई संक्रमणसहित खोकी, श्वासप्रश्वासमा समस्या भई कोभिड आइसियूमा भर्ना गरिएको थियो।

उपचारका सबै उपायहरु गर्दागर्दै विहान ६ः३५ बजे उनको मृत्यु भएको पौडेलले बताए।