२० घण्टाको नवजात शिशुसहित गण्डकीमा थप ३३ जनामा संक्रमण पुष्टि

आज गण्डकी प्रदेशमा २० घण्टाको नवजात शिशुसहित थप ३३ जना कोरोनाका नयाँ संक्रमित थपिएका छन् ।

प्रदेश स्वास्थ्य निर्देशनालयका अनुसार बुधबार मध्यान्हसम्म प्रदेशमा २० घण्टाका नवजात शिशुससिहत ३३ जनामा संक्रमण देखिएको हो।

निर्देशनालयका निर्देशक डा. विनोदविन्दु शर्माका आनुसार पोखरा महानगरपालिका वडा नम्बर ४ का ती शिशुलाई अहिले पोखरा स्वास्थ्य विज्ञान प्रतिष्ठान, पोखराको एनआईसीयूमा भर्ना गरिएको छ।

उनका अनुसार आज थपिएका संक्रमितमा नवलपरासी पूर्वका २८ जना, कास्कीका २० घण्टे बालाकसहित ४ जना र गोरखाका १ जना रहेका छन्।

संक्रमितहरुमध्ये पोखरा महानगरका ३ जना पोखरा स्वास्थ्य विज्ञान प्रतिष्ठान अन्तर्गतको फिभर क्लिनिकबाट र अन्य सबै कन्ट्याक्ट ट्रेसिङबाट पत्ता लागेका हुन्। सक्रमित सबैलाई आइसोलेसनको व्यवस्था गर्ने तयारी भइरहेको निर्देशक शर्माले जानकारी दिए।

योसँगै गण्डकी प्रदेशमा कोरोना संक्रमितको संख्या ३ हजार ८ सय ६६ पुगेको छ।