आइतबार कोरोनाबाट थप १० जनाको मृत्यु

नेपालमा कोरोना भाइरसको संक्रमणबात थप १० जनाको निधन भएको छ।

आइतबार स्वास्थ्य तथा जनसंख्या मन्त्रालयले दिएको जानकारी अनुसार काठमाडौँ उपत्यकाका ५ जनासहित देशभरमा थप १० जनाको मृत्यु भएको हो।

मृत्यु हुनेमा १ महिला र ९ पुरुष रहेका छन्।

मृत्यु हुनेमा काठमाडौँका १ महिलासहित ३, ललितपुरका २, बर्दियाका २, बारा, रुपन्देही र अछामका १/१ जना रहेको मन्त्रालयले जनाएको छ।

योसँगै नेपालमा कोरोना संक्रमणबाट मृत्यु हुनेको संख्या ४ सय ७७ पुगेको छ। यो कूल संक्रमितमध्येको ०.६५ प्रतिशत हो।