अमेरिकाबाट गण्डकीको एक विद्यालयलाई सहयोग

रबिकिरण रेग्मी, गोरखा

गण्डकी गाउँपालिका घर भई हाल अमेरिका बस्ने कुशल रेग्मीले गोरखाको एक विधालयलाई स्वस्थ्य सामाग्री सहयोग पठाएका छन् ।

रेग्मीले गण्डकी गाउँपालिका ७ शितलडांडामा रहेको श्री शिव आधारभूत विधालयको विद्यार्थी तथा शिक्षकहरुलाई आवश्यक पर्ने सवस्थ्य सामाग्रीहरु पठाएका हुन् ।

जसमा सर्जिकल मास्क, थर्मलगन,स्यानिटाइजर, हातधुने साबुन लगायतका कोभीड—१९ बाट बच्ने सामाग्रीहरु उपलब्ध गराएका हुन् ।

उक्त सामाग्री एक कार्यक्रमका बिच उनकी आमा भगवती रेग्मीले विधालयका प्रधानाध्यापक प्रकाश रेग्मीलाई हस्तान्तरण गरेकी छिन् । रेग्मी उक्त विद्यालयका पुर्व शिक्षक समेत हुन् ।