तीन दिनदेखि हराइरहेकाको शव फेला

काठमाडौँ ।अविराल वर्षा सँगै आएको बाढीले गाडी बगाउँदा तीन दिनदेखी बेपत्ता रहेका विद्युत प्राधिकरणको जीतपुर फ्यूज सेवा कार्यालय प्रमुख कृष्णप्रसाद पौडेलको शव शुक्रबार दिउँसो फेला परेको छ ।

उनको शव कपिलवस्तु नगरपालिका–६, सगरहवास्थित वाणगंगा खोला छेउ भेटिएको जिल्ला प्रहरी प्रमुख उपरीक्षक नवराज अधिकारीले बताए । उनको शव २ दिन खोजी गर्दा पनि भेटिएको थिएन् ।

वाणगंगा नगरपालिकास्थित भलवार्ड नजिक कोईली खोलाको कजवेमा बुधबार दिउँसो बाढीले प्राधिकरणको जीतपुर फ्यूज सेवा कार्यालयको बा १ ञ १०८९ नम्बरको पजेरो बगाउँदा उनीसहित ३ जना बेपत्ता भएका थिए ।

बुधबारै साँझ कार्यालयका हेल्पर तथा चालक माधवप्रसाद पाण्डेको शव फेला परेको थियो । बिहीबार दिउँसो घटनास्थलदेखि ५ किमी दक्षिण भगलापुर नजिक वाणगंगा खोला किनारमा केशवप्रसाद भाटको शव फेला परेको हो ।