हिमाल चढ्न काठमाडौं आइपुगे बहराइनका राजकुमार

काठमाडौं । बहराइनका राजकुमारसहितको टोली नेपालका दुई हिमाल आरोहणका सिलसिलामा काठमाडौं आइपुगेका छन् ।

राजकुमारसहितको टोली नेपालमा दुई महिना बस्ने छ । त्यसक्रममा टोली ले लोबुचे र मनास्लु हिमाल आरोहण गर्नेछन ।

शेख इशा एयरवेजबाट विशेष विमानमा बिहान करिव ११ बजे उनीहरु चढेको जहाज काठमाडौं आएको हो ।

बहराइनको रोयल गार्डमा कार्यरत १५ जना बहराइनी नागरिक र ३ जना बेलायती यो टोलीमा सहभागी छन् । बहराइनबाट काठमाडौंका लागि उड्नुअघि उनीहरुलाई बहराइनस्थित नेपाली दूतावासले बिदाई गरेको थियो ।

उनीहरुसबैको कोरोना परीक्षण गरिएको थियो । परीक्षणमा सबैको नेगेटिभ नतिजा आएको छ । यो टोलीले नेपालमा रहँदा समेत सरकारले तोकेका स्वास्थ्य मापदण्ड पुरा गर्ने भएको छ ।