आइतबार १ हजार ४९ कोरोना संक्रमित थपिए

नेपालमा पछिल्लो २४ घण्टामा थप १ हजार ३९ जनामा कोरोना भाइरसको संक्रमण पुष्टि भएको छ।

आइतबारको स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्राडा जागेश्वर गौतमले देशभरमा थप १ हजार ३९ जनामा कोरोना संक्रमण पुष्टि भएको बताए।

प्रवक्ता गौतमका अनुसार आज देशभरमा सक्रिय संक्रमितको संख्या १५ हजार ११७ रहेको छ।

पछिल्लो २४ घण्टामा थप ८ हजार १६५ जनाको पीसीआर परीक्षण गरिएको छ।

त्यस्तै पछिल्ले २४ घण्टामा थप १ हजार १७३ जना कोरोना संक्रमित निको भएका छन्।योसँगै निको हुनेको संख्या ३८ हजार ६९७ पुगेको छ।

कोरोना संक्रमण निको हुने प्रतिशत ७१.५ रहेको छ।