गण्डकी प्रदेशमा कोरोना संक्रमणबाट थप एक जनाको मृत्यु

गण्डकी प्रदेशमा कोरोना सङ्क्रमणबाट थप एक जनाको मृत्यु भएको छ।

प्रदेश स्वास्थ्य निर्देशनालयका अनुसार नवलपुरको देवचुली नगरपालिका–१ का ६४ वर्षीय पुरुषको मंगलबार साँझ उपचारका क्रममा चितवनको कोभिड अस्पतालमा मृत्यु भएको हो।

केही समयदेखि मिर्गौलाले काम नगरेका कारण उनको डायलाइसिस हुँदै आएको थियो। भदौ १९ गते कोभिड–१९ सङ्क्रमणसहित खोकी र श्वासप्रश्वासमा समस्या देखिएपछि उनलाई सघन उपचार कक्षमा सारिएको थियो।