सांसद सुवाल संक्रमणपछि होम आइसोलेसनमा

काठमाडौं । नेपाल मजदूर किसान पार्टीका सांसद प्रेम सुवाल हिजो शनिवार कोरोना संक्रमण पुष्टि भएपछि होम आइसोलेशनमा बसेका छन् ।

नजिकको साथीलाई कोरोना संक्रमण पुष्टि भएपछि उनले गत भदौ १५ गते परिक्षणका लागि स्वाव दिएका थिए । स्वाव संकलनपछि उनी आफ्नै घरको छुट्टै कोठामा बस्दै आएका थिए ।

हिजो कोरोना संक्रमण पुष्टि भएपनि आफूलाई कुनै लक्षण देखा नपरेको सांसद सुवालले जानकारी दिए । सांसद सुवालको भक्तपुरको जनस्वास्थ्य केन्द्रमा पिसिआर परिक्षण गरिएको थियो ।