ललितपुरमा शुक्रबार बिहानैदेखि कर्फ्यु

ललितपुरको चक्रपथ क्षेत्रभित्र स्थानीय प्रशासनले शुक्रबार बिहानैदेखि कर्फ्यु लगाएको छ।

मच्छिन्द्रनाथको रथ तान्ने क्रममा बिहीबार ललितपुरको पुलचोक क्षेत्र दिनभर तनावग्रस्त बनेपछि स्थानीय प्रशासनले शुक्रबार बिहानैबाट ललितपुरमा कर्फ्यु लगाउने निर्णय गरेको हो।

बिहान ४ बजेदेखि लागू भएको कर्फ्यु आदेश राति १० बजेसम्म कायम रहने ललितपुरका प्रहरी प्रमुख एसएसपी टेकप्रसाद राईले जानकारी दिए।