गण्डकीमा संक्रमितको संख्या २३ सय नाघ्यो

बिहीबार दिउँसो जारी गरेको विज्ञप्ति अनुसार गण्डकी प्रदेशमा कोरोना संक्रमितको संख्या २३ सय नाघेको छ।

आज थप ३१ जनामा कोरोना पुष्टि भएपछि संक्रमितको संख्या २ हजार ३ सय ८ पुगेको छ।

बिहीबार दिउँसो १ बजेको अपडेट अनुसार थपिएका ३१ संक्रमित मध्य २९ जना पोखरा महानगरपालिकाका र २ जना तनहुँको व्यास नगरपालिकाका रहेको प्रदेश स्वासथ्य निर्देशनालयका निर्देशक डा. विनोदविन्दु शर्माले जानकारी दिए।

संक्रमित सबै कन्ट्याक्ट ट्रेसिङमार्फत पहिचान भएको र उनीहरुलाई आइसोलेसन केन्द्रमा लैजाने तयारी भैरहेको छ निर्देशक शर्माले जानकारी दिए।

बिहीबार बिहान थप नवलपरासी सुस्तापूवृका ३ र पोखरा महानगरपालिकाका १ जनामा कोरोना पुष्टि भएको थियो।