एम्बुलेन्स दुर्घटना हुँदा दुई जनाको मृत्यु

गर्भवती सबार एम्बुलेन्स दुर्घटना हुँदा स्याङ्जको वालिङ नगरपालिका—५ मजकोटमा दुई जनाको मृत्यु भएको छ। दुर्घटनामा परि दुई जना गम्भीर घाइते भएका छन्।

बा २ झ ४०११ नम्बरको एम्बुलेन्स आइतबार बिहान करिब ५ बजे दुर्घटना हुदाँ चापाकोट नगरपालिका–९ का ३५ वर्षीय भानुभक्त गैरे र चापाकोट–१० का २५ वर्षीय श्याम पंगेनीको मृत्यु भएको प्रहरीले जनाएको छ।

उनीहरूलाई प्राथमिक स्वास्थ्य केन्द्र पुर्‍याइएकोमा चिकित्सकले मृत घोषित गरेको बताए ।

यसै गरी दुर्घटनामा चापाकोट–९ की २८ वर्षीया पवित्रा पोखरेल र चालक सोही स्थानका ३१ वर्षीया सुरेन्द्र भण्डारी गम्भीर घाइते छन् । उनीहरूलाई उपचारका लागि पोखरा रिफर गरिएको प्रहरीले बताएको छ ।

प्रहरीका अनुसार २८ वर्षीया पोखरेल डेलिभरीको लागि काठमाडौंबाट घर आउँदै गर्दा वालिङ चापाकोट भित्री सडकखण्डमा एम्बुलेन्स सडकदेखि अन्दाजी अढाई सय मिटर तल खसेर दुर्घटना भएको हो।