काठमाडौं । टी–२० विश्वकप एसिया छनोटको उपाधिका लागि नेपाल र ओमान आज आमने सामने हुदैछन् ।
वेष्ट इन्डिज र अमेरिकामा आगामी जुनमा हुने टी– २० विश्वकपमा स्थान सुनिश्चित गरिसकेका दुई टोलि नेपाल र ओमान उपाधिका लागि आज फाइनल खेल्ने भएका हुन् ।
खेल कीर्तिपुरस्थित त्रिवि अन्तर्राष्ट्रिय क्रिकेट मैदानमा बिहान ११ बजे सुरु हुनेछ ।
सेमिफाइनलमा नेपालले यूएईलाई ८ विकेटले हराएको थियो भने ओमानले बहराइनलाई १० विकेटले जित निकालेको थियो ।
यि दुबै टोलि एसिया छनोटमा एउटै समूहमा थिए । समूह चरणमा यी दुई टोलीबीच भएको रोमाञ्चक खेलमा नेपाल ओमानसँग ५ रनले पराजित भएको थियो । फाइनलमा नेपाल संग ओमानसंग बदला लिने मौका छ भने ओमान आफ्नो जितलाई निरन्तरता दिन चाहान्छ । फाइनलसम्म आइपुग्दा ओमान अपराजित छ ।
गत वर्ष भएको टी–२० विश्वकपको ग्लोबल क्वालिफायर्समा नेपाल र ओमान दुवै सेमिफाइनलमा पराजित हुँदै विश्वकपमा पुग्न असफल भएका थिए ।
नेपालले गत वर्ष सेमिफाइनलमै यूएईसँग हार ब्याहोर्दै विश्वकपबाट बाहिरिएको थियो भने यस पटक उसैलाई हराउदै विश्वकपमा स्थान बनायो ।
२०१४ मा बंगलादेशमा टी–२० विश्वकप खेलेको नेपालले एक दशकपछि फेरि विश्वकपमा स्थान बनाएको हो ।
#NEPvsOMN
नागरिक समाज सञ्चार नेटवर्क प्रा.लि.
अध्यक्ष – काैसिना मियाँ
सूचना विभाग दर्ता : १६९०–२०७६/०७७
प्रेस काउिन्सल नेपाल : १९५२–२०७६/०७७
मुख्य कार्यालय : बालाजु-१६, काठमाडाैं, नेपाल
फोन : ०१-४९७३२२२
माेबाइल : ९८५६०४०७६१
इमेलः [email protected] (समाचार)
[email protected] (विज्ञापन)
कार्यकारी सम्पादक : मोहसिन अलि मियाँ
सम्पादक : राजेन्द्र कोइराला
बजार ब्यवस्थापक : सुदीप श्रेष्ठ
© 2026 All right reserved to civilkhabar.com | Site By : SobizTrend
