चीनमा बिरामी भएका गृहमन्त्री श्रेष्ठको स्वास्थ्यमा क्रमिक सुधार

काठमाडौँ– उपप्रधान एवं गृहमन्त्री नारायणकाजी श्रेष्ठको स्वास्थ्यमा क्रमिक सुधार भइरहेको छ । 

चीन भ्रमणको क्रममा हृदयाघात भएका श्रेष्ठको स्वास्थ्यमा सुधार भएपछि अहिले आईसीयूबाट जनरल वार्डमा सारिएको चीनका लागि नेपाली राजदूत विष्णुपुकार श्रेष्ठले जानकारी दिए ।

कहिलेसम्म अस्पताल बस्नुपर्छ भन्ने बारेमा उपचारमा संलग्न डाक्टरहरूले केही बताएका छैनन् ।

चीनको बेइजिङमा भएको तेस्रो बेल्ट एण्ड रोड इनिसियटिभको सम्मेलनमा सहभागी हुन पुगेका श्रेष्ठलाई हृदयघात भएपछि गत बुधबार इन्टरनेशल मेडिकल साइन्सेस अस्पतालमा भर्ना गरिएको थियो ।