सडक निर्माणमा ढिलाई भएको भन्दै सरोकारवाला निकायको ध्यानाकर्षण

गोरखा । ठेकेदारले सडक निर्माणमा ढिलाई गरेपछि बारपाक सुलिकोट गाउँपालिकाले पुर्वाधार विकास कार्यालयको ध्यानार्कषणपत्र गराएको छ ।

घ्याम्पेशाल, पाचँखुवा देउराली, ताकुकोट सडक निर्माणमा ढिलाई भएकोले वडा नं ७ ले जिल्ला प्रशासन कार्यालय गोरखालाई समन्वय पत्र र गाउँपालिकाले पुर्बाधारलाई ध्यानाकर्षण पत्र बुझाइएको हो ।

२०७७ साउन १४ गते विरुवा/वाइवा एण्ड लामा जेभीसँग सम्झौता गरीएको थियो । २ पटक म्याद थप गर्दापनि पनि ठेकेदारले समयमा काम नसकेकोले पत्र बुझाउन बाध्य भएको गाउँपालिका अध्यक्ष बिष्णु भट्टले जानकारी दिए ।

पटक पटक पटक म्याद थपका बाबजुद पनि निर्माण व्यवसायीले काममा ढिलासुस्ती गरेको कारण गाउँपालिकाबासीले धेरै दुख÷सास्ती भोगिरहेका गाउँपालिकाले जनाएको छ ।

कार्यालयमा लिखित र मौखिक जानकारी गराउदा पनि अव्यबहारीक कार्यतालिका स्विकृतगराई कार्य सम्पन्न गर्ने आस्वाशन मात्र दिइएको ध्यानर्कषण पत्रमा उल्लेख छ ।

‘वर्षायाम र हालको अवस्थामा पनि सवारी आवागमनमा सहज नभएको र कुनै पनि सहजिकरण गरेको छैन् ।

स्थानिय स्रोत साधन प्रयोग गरेबापत गाउँपालिकालाई बुझाउनुपर्ने राजस्व नबुझाएको अवस्था, यस आयोजनाको अन्तिम म्याद कहिले सम्म रहेको, हालसम्मको प्रगति (भौतिक / वित्तिय) के(कति रहेको, अध्यावधिक गरिएको व्यवहारीक कार्यतालिकासहित कुराहरु खुलाइनुपर्ने’ पत्रमा उल्लेख छ ।

‘ठेकेदारले समयमा काम नसक्दा स्थानियलाई सास्ती, गाउँपालिकासम्म आवात जावत गर्नमा समस्या भएको छ,’ अध्यक्ष भट्टले भने,‘वडा नं ६,७ र ८ नम्वर वडा हुदै गाउँपालिका सम्मको बाटो नै निर्माणमा ढिलाइ भएकोले ध्यानार्कषण बुझाउन बाध्य भएका हौ ।’

ठेकेदारले समयमा मा नै काम सम्पन्न गर्नु भनेर ध्यानार्कषण गराएका उनको भनाई छ ।